A Asociación galega de Enólogos participou activamente nesta edición do salón de Viños e Licores de Calidade de Galicia Vinisterrae con unha batería de actividades en colaboración coa Estación de Viticultura e Enoloxía EVEGA.
O día 1 de Abril celebrouse o TALLER PRÁCTICO “Descriptores positivos en viños brancos. Novos procesos de recoñecemento de atributos” impartido por Juan Carlos Vázquez, José Daniel Fornos e Luis Buitrón.
O presidente da Asociación Luis Buitrón foi tamen o encargado de impartir a Cata Técnica dos Viños Brancos premiados con “Acios de oro” na Cata Oficial da Xunta de Galicia 2018.
O Martes 2 de Abril celebrouse o taller práctico “Defectos dos viños brancos. Novos procesos de deteccion e corrección”, relatado por Juan Carlos Vázquez, José Daniel Fornos e Luis Buitrón.
A continuación celebrouse a Cata Técnica dos Viños Tintos premiados con “Acios de oro” na Cata Oficial da Xunta de Galicia 2018.
A derradeira actividade foi a Cata Técnica os Viños premiados na última Cata oficial da Xunta de Galicia, correspondentes ás categorías:
– Colleiteiros e pequenas adegas
– Viños ecolóxicos
– Elaboracíóns en madeira
– Viños doutras colleitas
– IXP.
A Cata foi impartida pola enóloga Maira Ratón.
ASOCIACIÓN GALEGA DE ENÓLOGOS 